ممكن حل@@

[رنودي دهن العودي&]

اخواتي حبيباتي عندي جارتي دايم تشكيلي والمشكله ما عندي حل فقلت اضع المشكله تحت ايديكن وارجو المساعده @القصه ان زوجها ما يهتم بمشاعرها ولا يجلس معها ولا يسمعها اي كلام ممكن ان زوجك يقوله لك مع انها حاولت بكل الوسائل من تغيير با البيت الى تغيير في الشكل بس ولا مره قالها انت حلوه او شكرا على اي شى ووقت اللي يتهاوشون يطلع كل اللي بقلبه انه نادم عليها وانها ماهي مليه عينه ويسبها ويشتم بها وباهلها وهي ساكته وراضيه ماتبي تخرب بيتها ايش الحل الطلاق مع انها عمرها 17 سنه بس وعندها طفله وحده ويقولها مانبي عيال بكير وهو عمره فوق الخمسه وثلاثين@الحل امانه smillf

[فراشه شفافه]

smiiiiiiiiillll


اهلين غاليتي رنودي

اتمنى تكوني بخير

بالنسبه لمشكلة جارتك اساسها عد م التوافق الفكري
لان بصراحه هناك فارق كبير في العمر

يعني البنت لسه صغيره وهو تفكيره ناضج
فاكيد بيكون هناك اختلاف في الافكار والميول والمشاعر كمان

وانا انصحها حبيبتي بان تدعي الله في السجود بان يسخر زوجها لها

وتحاول قدر المستطاع الابتعاد عن المشاكل او مضايقته

وتعمل الاشياء المحببه اليه بدون ماتشعره بذلك

وموضوع الاولاد بامر رب العالمين
يعني حتى لو هو قال ما نبغى وهي رافضه هذا الشيء
ما يعلموا ايش ربي كاتب لهم

لازم تصبر وتتحمل عشان بنتها على الاقل
وان شاء الله ربي يهديه

ولا تنسي الدعـاء لان بيحسسها بالراحه ويطمن قلبها ان شاء الله


واتمنى لها حياه زوجيه سعيده هادئه

اتمنى اكون افدتك غاليتي

دمتي بخير

[رنودي دهن العودي&]

مشكوره حياتي ابي ام حصوصي وقصيميه يردون علي بعد@

[شووق]

هلا حبيبتي رنودي


المشكلـــــــــــــه بسيطه وصعبه

وهذي مجموعـــــــــة حلول إن شاء الله تفيدهــــــــــا

1-تحاول تعمل لزوجها الشيء اللي تريده منه

مثلا تتكلم كلام حلو حتى يسوي مثلها

2-تجلس معاه جلست مصارحه وتسأل عن السبب

3-تحاول تعرف هو ايش يحب ويفضل في كل شيء

4- تغير من حياتها في كل شيء

5- لاتقول أنا ماأقصر معاه كل إنسان فيه نقص وممكن هو حاس إنها مقصره ومايبغى يجرحها

وإن شاء الله ربي يسخر لها زوجها ولا تنسى الدعـــــــــــــاء

[شذا الورد]

اهلين غاليتي رنودي
ان شاء الله تكوني بخير واتم صحه وعافيه
المشكله التى عرضتيهاواضح انه مافيه توافق بينهم
واضح ان المسافه بينهم كبيره فعليها.....

الاول تكثر من الدعاء اخر اليل الافضل على السجاده.....
بس حتى لوكانت على فراشها ومتضايقه ولم ياتيها النوم تدعي وتلتجي الى الله بدعاء وتلح بدعااها
ولاتتعب نفسها بكثرة التفكير والهموم وتشغل نفسها بدعاء وستجد انشراح في صدرها ...

وثاني تشغل نفسها بااشياء اخر مثل دوره اوحلقه قران اوتشترك بجمعيه تطوع اهم شي مايكون كل همها الزوج فقط ..
والرجل اذا شافها انشغلت عنه باامور اخرى ولم تعد تناقشه بكل صغيره وكبيره اهو بيرجع يدور عليها
والله يسر لها امرها ويوفقها مع زوجها

[قصيمية وبس]

اهلين رنودي كيفك

بصراحه اهني فيك روح الاخوة روح حب لاخيك المسلم ماتحبة لنفسك

بعدين اخية فارق العمر ماهو دليل الرسول صلى الله علية وسلم تزوج بخديجة وعمرة 25 وعمرها 40 ولا فية احسن من بيت النبوة مع فارق العمر

تزوج عائشة وعمرها 9 سنوات وهو 40 تخيلي

لكن للاسف نحن الاعلام يلعب دور كبير في تفكيرنا ونضوجنا

اخية لا ازيد على اخياتي الا كلمات قليلة

انة انصحيها بالنظر لنفسها من ناحية الدين لاننا يااخية مايصيبنا من مصائب الا بسبب ذنوبنا الله المستعان انصحيها بان تفتح صفحة ثانية مع رب السموات

ان تدعو الواحد المنان تلح على الله بالدعاء في كل وقت ليس في اوقات المحن فقط

اخية اجعلية تداوووم على الاستغفار فوالله ان مفعولة عجيب اذكر لك قصة احد الاخوات ممن علقت قلبها بربها

تقول ذاك اليوم تناقشت انا وزوجي عند امر ما واحد النقاش الى ان وصل الى خصااام المهم قالت انة قام وطلع

وهو طالع قال لا تكلميني اسبوع ولا تدقين عليا اذا بغيتو شي ارسلي لي رسالة بالجوال ((تخيلي اعوذ بالله ))

تقول وطلع وهو ميت من الغضب وصراخة يسمعة الجيران المهم تقول انا مالي الا ربي جلست اسغفر بنية ان الله

يهدية ويفتح على قلبة المهم تقول ما فترت ذيك الليلة قايمة قاعدة استغفر تقول سبحان الله والله مادريت عقب ساعة تقريبا


الاوجوالي يدق ويقول انا جاي تبين شي ((تخيلي هو دق يعني لا رسائل ولا واسطااات ))قالت ابغى سلامتك


تقول قال جهزي الشاهي بتقهوى معك سبحان الله تقول يوم هداءت الامور قال ماادري ايش جاني احس في شي جابني غصب عني ونساني الموضوووع كاااامل

شوفي اختي رب الارباب اتى بة على وجهه لان اختنا رفعت يديها الى خالقها

بعدين اخية خليها تفتش في نفسها لا تقول انا مااقصر انا كاملة ممكن هي تسوي شي ماتحس فية هو الي

مضايقة

غير كذا حبيبتي خلها اذا تناقشت هي واياااه تحاول ما تخلي الموضوع يطول وان شافت انة تضايق خلاص تغير الموضوع او تحاول تعلث باي شي وتقوم واذا رجعت تسوي ما كان شي صار

وبالنسة للكلام الحلو اخية الدنيا لا تقف على الكلام الحلو صح مااقولك اننا ما نبية بس الشكوى لله تنظر في
الايجابيات الثانية لزوجها واهي لاتبخل علية من الكلام الحلو لو كان مايسمعها لانة معاملتها لة بتفرض علية انة يعاملها بالمثل ولو بعد حين

تحاول تزيد من اهتمامها بنفسها تطور نفسها تحاول تلهي نفسها عنه شوي تدخل تحفيظ لا يكون شغلها الشاغل هو
تبتعد لو شي بسيط عنة عشان يشتاق لها

بعدين بلغيها سلامي واخبريها ان هذة الدنيا دار ابتلاء وامتحان وانها لاتسوى عند الله جناح بعوضة

وااكد على شي مهم انة في كل شي تعملة لزوجها او طفلتها ان تخلص النية لله سبحان الله سترى الفرق في ذالك لانها تنتظر الشكر من رب العباد

وتتيقن يقين ان الله سينصرها

واااااسفة على الاطاااااالة

[رنودي دهن العودي&]

الله يسرلكم امركم ويسخر لكم ازواجكم ويرزقكم الجنه يا اغلى خوات با الدنيا@الله يجزاكم عنها كل خير##

[دهن العود]

وعليكم السلام

ولو ما قلتيها وانا امك توجي كلامك بالسلام لا ربي يبتليك بخراج في ثمك


حبيبتي صديقتك هذا يبغالها تروح بيت اهلها

لا مشكوووووورن فضلوه

هذي الرجال ما يبغى الا يلعب ببنت الناس في صغر سنها

ومذا كلمة بكير تيه يعني ما يبغى عيال مره

وليه الواحد يتزوج الا عنهن يشيلونوه بكره ولو لو ربي احرموه فيهن انوه يدورلهن دوره

ومثل هذي الرجال ما لوه الا امحكمه ذا تقول

ولد الشارب للحيه وولد اللحيه للشيبه وولد الشيبه للخيبه

خيبوه الله ولا خيب ابليسوه

ومشكوووووووره يا حبيبة خالتك

[أم حصوصي الحلوة]

هلا عنو المعذرة توني اشوف
موضوعك يا عسل
وضع جارتك طبيعي لفارق السن بينهم كبير و فيه كمان فرق بالتفكير والطموح والطلبات

المطلوب منهم الاثنين يقرورا اذا هم مستعدين يستمروافي هالزواج ولا لا

لازم كل واحد يحاول اسعاد الثاني ويتركوا الانانية

ومسالة الانجاب هي بالاتفاق بينهم مثل يقرروا كل كم سنة ينجب ويكون برضى الطرفين

ويعيشو حياتهم العيال يجون مع الوقت
والرجل مالهم عمر معين لانجاب يعني ما تشيل هم العمر

وهي تعيش عمرها وتعيش زوجها معها حلوة هالعمر تدلع وتتغنج وكمان وقت الجد تكون عاقل وتحتوى زوجها ترخي اذا هو شد وتشد اذا هو ارخى

وفي الاخير هي ادرى بحياتها وزوجها تختار الا يناسبها وتعرف مفتاح زوجها اكثر من غيرها

والله يوقفها ويسخر لها زوجها يارب