طلب مساعدة..

[عاصفة الذكريات]

السلام عليكم..

بنات انا بشرتي فيها حبوب تعرفون فترة المراهقة..

المهم.. تنصحوني احط مقشر للبشرة.. او بيدمر بشرتي

ارجوكم محتاجة لكم كثير.. وراح ادعيلكم من كل قلبي..

واللي عندها تجربة سابقة لها او خواتها ماضبطت او نجحت تعلمني..

[مزنا]

وعليكم السلام

هلا بك حبيبتي ما تشوفي شر ابد يارب

لكن ما قلتي ايش نوع الحبوب اللي عندك هل هي حب شباب ولا رؤوس سودا

حتى نفيدك اكثر وسلامتك يارب عوافي عليك .. :)

[عاصفة الذكريات]

لا لا حبوب شباب.. بس انا اخاف يصير لها اثر بعدين
ساعدوني

[صوت الدعاء]

السلام عليكم

انصحك اختي نروحين لطبيط بشرة ممكن تتفاجئين بسبب هذي الحبوب ممكن يكون من الأكل , المزاج ,الدورة او اشياء ثانية ما ممكن تشخصينها بروحك بس انصحك دايما نضفي بشرتك بمنظفات معروفة و مظمونة ليل و نهار و ظعي الكريمات الواقية من الشمس و ما تشوفين شر

[فراشه شفافه]

smiiiiiiiiillll

مرحبــا غاليتي عاصفة الذكريــات smilld

انا افضل الاقنعه الطبيعيه عن المقشرات
لانها تعالج البشره وتعطى نضارة ونظافة اكثر للبشره
واهم شيء المداومه عليها عشان تختفي الحبوب ان شاء الله

اقنعه لحب الشباب

قنـاع الزبادي والعــسل اخلطيها مع بعض وضعيها لمدة ربع ساعه واغسلي وجهك بالماء الدافيء

او ممكن زبادي وخميره

وغسول البابونج
يأخذ قبضة صغيرة من نبات البابونج تضاف إلى كوبين من الماء الساخن لدرجة الغليان لمدة 20 دقيقة، ثم تصفى، ويلطخ بالسائل البثور مرتين يوميا.


وممكن تستخدمي مقشر بس مايكون نوعية قويه عشان لا يجفف البشره



وانصحك ان ما تلمسي الحبوب او تقشريها بإيدك لان بتترك اثار صعب تروح


وان شاء الله تستفيدي حبيبتي smilld

دمتي بخير

[مزنا]

هلا حبيبتي .. ان كان على حب الشباب بسيطة ان شاء الله احسن شيء لك وعن تجربتي الخاصة

انك تصحي مبكرا وتستنشقين ندى الصباح النقي .. وتجيبين نص ليمونه وبعد ما تعصرينها وتصفينها من البذور

تمسحين هذه القطرات على وجهك بحيث يتشرب .. وبعدين تتعرضين للهواء حتى لا يحرقك .. اي نعم بيحرقك في الاول لكن بعد خمستاعش دقيقة تغسليها بالما البارد ..

وفي خلال خمستاعش يوم بتشوفين وجهك الصافي .. بإذن الله .. ولا تنسين تدعينلي ..

[عاصفة الذكريات]

مشكووووووريييين والله... ماراح انسى لكم هالمعروف..

راح ادعي لكم من كل قلبي

[أم عزوز]

أختي أنصحك بالفازلين مع الكركم


مررررررره حلو ويصفي ويبيض كمان

بس الكركم لازم يكون للبشره..

[براءة الكاميليا]

smiiiiiiiiillll


هلا ياعسل انصحك بكريم رتن ايه خذي الكريم مو الجل
هذي صورته

http://www.life-pharmacy.com/img/retin-a.gif

الطريقه يوضع على نفس الحبوب فقط مو كل الوجه
في الليل قبل النوووم
ورطبي الوجه بعد غسله في الصباح بكريم مرطب خفيف مثل جلسوليد

الكريم ممتاز جدا للحبوب ومجرب

ولو حسيتي بشرتك احمرت او حاجه ممكن تستخدمي كريم حساسيه بدل المرطب في الصباح

وان شاء الله تنحل المشكله smilld

smiiiiiiiiillll

[بنت دبي]

هلا الغالية بالنسبة لقناع الزبادي مع العسل اللي قالت عنه فراشه شفافه أنا جربته و استمريت لمدة أسبوع أو اسبوعين تقريبا و الحمد لله الحبوب مالها أي أثر على ويهي .. و إذا بغيتي مع الخميرة بينفخ لج خدودج و بيصفي ويهج .. ^ــ^

بس حبيبتي نصيحة مجرب .. استخدمي شي واحد من هال أشياء اللي ذكروها خواتي و كلها زينة لأن خواتي و البنات اللي من أهلي مجربينها يعني مافي أي خوف ..

[مزنا]

شفتي برائة كريم رتن ايه حلو لكن ما ينصح فيه لبشرات الجافة والحساسة ..
لاكانت بشرتك دهنية ما عليك وجربية .. لكنه برضوا بيترك اثار للحبوب ..
والصراحة انا عننفسي جربت الاشياء الطبيعية .. مثل مجموعة الشاي لحب الشاب من محل الاشياء الطبيبعية ..
وهذا كله ما يمنع تروحين للاستشاريه تراهم يعطونك اشياء مفيدة وتخفي الحبوب نهائيا ..
وانت ادرى ببشرتك وكل واحده اعلم باليصلح لها وتثق انه ما يعدم بشرتها ..