ماأعرف أسوي كبسة ....

[صوت المطر]

السلام عليكم ورحمة الله وبركاته
أخواتي ..أنا بحياتي ماسويت كبسه ..
وأبي تقولون لي بالتفصيل طريقة الكبسه بصورة مفصله وسهله....
انتظركم...
تقبلووووووتحياااااااااااااااااتي....

[ام لولـــــــــي ؛؛؛}{]

ولا انا والله بس اساعد ام زوجي خالتي بس ما اضبطها لحالي
يارب ويساعدوووووونا ههههههههههههههههه:55554::54432::54432:

[صوت المطر]

مشكوووووره حبيبتي أم لولي...بس أنا توني متزوجه وساكنه بشقه لوحدي ..وماقد سويت ..
يابنات ..نصيحه تعلموا الطبخ قبل الزواااااااج...

[فراشه شفافه]

هلا حبوبه

اتفضلي هذه الروابط اتمنى تفيدك

http://www.nsaayat.com/showthread.php?t=1002&highlight=%DF%C8%D3%C9

http://www.nsaayat.com/showthread.php?t=14906&highlight=%DF%C8%D3%C9

[كهرمانه]

الكبسة
لمقادير :
4ــ5 حبات (هيل ــ أعواد قرفه ـ مسمار ـ ورقتين غار )ىكلها صحيحة
بصلتين كبيرة
ملعقين زيت
بهارات مشكلة مطحونة
فلفل رومي
ملح
5 حبات طماطم
دجاج أو لحم
رز منقوع
الطريقة :
نحط الزيت في قدر الضغط أو العادي براحتك بس الضغط أسرع وألذ المهم نحط الزيت والبهارات الصحيحة في القدر وننتظر شوي لحد ماتتطلع ريحتها وبعدين نحط البصل والرومي اذا تحبين ونحرك لحد مايحمر وبعدين اللحم أو الدجاج نقلبها شوي لحد ماتنشف مويتها نحط الطماطم ونغطي القدر شوي لحد ماتذوب وبعدين الماء حسب كمية الرز لكل كوب رز بسمتي كوبين موية يعني الرز مثلا 3 اكواب الموية 6 أكواب ونقفل الفدر كويس ونستنى .
إذا القدر ضغط مع اللحم ياخذ وقت ثلث ساعة-( من بعد سماع الصافرة ) لحد ماينضج ومع الدجاج عشر دقائقو إذا القدر عادي رح يطول وأنتي شوفي بسكين رح يبان إذا نضج
بعد ماينضج اللحم ملحي وحطي بهارات ( كمون ـ فلفل أسود ـكزبره ) وإذا تبينة أصفر حطي كركم
بعدين أغسلي الرز كويس وضيفية على القدر وحركي شوي وغطي القدر وخلية ينضج إذا ضغط ياخذ وقت عشر دقايق ىويمكن اقل رح تعرفي من الريحة وأذا عادي يمكن ياخذ وقت ربع ساعة اوثلث ساعة وبالعافية أرجو أكون أفدتك .

[صوت المطر]

حبيبتي ..فراشه شفافه...تسلم يدينك ياعسل ع المشاركه...
غاليتي..كهرمانه..أسعدني تواجدك ..وأفدتني كثير كثير ..يعطيك العافية ..

[أخجلني عفو ربي]

بسم الله يلا نبدأ..
قطعي بصله كبيرة وحطي 3حبات ثوم بدون ما تقطعينها او تقشرينها خليها كذا الذ ثم شوي زيت حتى يتقلقل ويحمر
ثم ابشري جزرة وحده كبيرررة واضيفيها و1مكعب ماجي وشوي معجون طماطم وفلفل رومي وبهاااارات يم يم يالريحه
بعدها حطي الدجاجة أو اللحم والماء والملح
وبس احسبي لها 10 دقايق في قدر الضغط وفي القدر العاادي مدة اطول

بعدما تنضج تحطين الرز فوقها اذا تبغينها مضغوط
او تدخلينها تنشوي وتحطين الرز وحدة ولا تنسين تضبطين قيااس الماءبحيث تحطين اصبعك وتكون المويه على قد ظفرك واحسبي في الضغظ من 5الى 6دقايق وبالعاااااافية على قبلك
هذي كبستي جربيها والله لذيييييذة:65443:

[صوت المطر]

أخجلني عفو ربي...يسلمووووووووووو حبيبتي ع الطريقه المفصله وبإذن الله راح أجربها...أسعدني تواجدك بجد..

[ღǾяј๏ịйĕŁẵღ]

هههههههههههههههه
يوووووه مشكله لو ماتعرفينها
بس حلوو منك انك تحاولين تتعلمين
وطريقه اخجلني بسيطه وحلوووه

بالنسبه لي ماعندي مقياس معين ولا مقادير معينه
لاني احوسهم وبالنهايه تضبط معي تماام

بس اذا حابه طريقه مندي بالفرن سهله وماتتعب ولاتحكمين عليها من كثرت كلامي هههههه

كل اللي تحتاجينه
انك تذوبين الدجاجه لازم تكون ذايبه تماما مافيها ثلج ( عاد على حسب تبين دجاجتين او وحده)
تنصفيهم بالنص وتبهريهن على مزاجك
اذا كان عندك بهار دجاج جاهز مافي مشكله واذا مافيه
هاتي ملعقه كمون ونص او حسب ملعقه فلفل وشوي كزبره يابس مطحون << طبعا هالبهارات عن دجاجه وحده زيدي عليهم لو بتكثرين عدد الدجاج
افركيهم على الدجاجه وحطيهم على جنب ولاتنسين الملح

بعدين هاتي قدر مناسب لكميه الرز
بالنسبه للمقدار الرز لازم تنتبهين هنا(( لازم الماء يكون ضعف كميه الرز))
يعني لو كوب رز يكون الماء كوبين رز وهكذا ^_^
ونغسل الرز لازم يكون نظيف بقوه << اهم شيء
ونكب الرز والماء بالقدر ونضيف البهارات كمون + فلفل + ملح + ثوم + قرفه(دارسين) +ليمون اسود مجفف ..... واي شيء تبين اهم شيء البهار اللي يعجبك
واذا تبين اضيفي لهم الخضره اللي تبينها مثل كوسه مقطعه ,باذنجان,بطاطس .. واي شيء بس لاتكثرين
لان الخضار تخرب الطبخه احيانا ولو تبين تطبخينهم لحالهم مافي مشكله

واهم شيء لاتنسين خطوه مهمه اضيفي زيت ملعقتين او زيديهم شوي
وبصل مقطع هذولا اهم شيء

اللحين وقت الشغل المهم هههههههه << يعني اللي قبل شوي مو مهم ههههههه

لما تضيفين الرز والبهارات في القدر هاتي قصدير
ولفي القدر عليه مرتين بس انتبهي على الجوانب لازم مايكون فيه فتحه
لازم يكون مكتوم تماما

بعدين هاتي شوكه او اي شيء حاد بس مايكون عريض
وابدئي تسوين شقوق وفتح على القصدير من فوق بس مو تكثرينهم واجد ههههههه
لاننا بنحط عليها الدجاج
شوفي الصوره رسمتها لك

http://www.nsaayat.com/up/uploads/nsaayat7dd43c8788.jpg (http://www.nsaayat.com/up/)

وكذا نحظر الدجاجه المبهره ونصفها فوق القدر على الفتح ونجيب ليمونه ونقطعها شرائح
ونظيفها على الدجاجه من فوق وتحت

وبعدها نجيب القصدير ونلفها على الدجاجه والقدر سواء
ونتاكد مافي اي فتحه

http://www.nsaayat.com/up/uploads/nsaayatd8106a9bd4.jpg (http://www.nsaayat.com/up/)


وهنا ناخذها ونوديها للفرن
طبعا يكون الفرن النار مشغله من تحت بس وطوليها على الاخر او اقصري شوي
وحطي القدر فيه وقفلي الفرن وخليها
لمده 55 دقيقه

http://www.nsaayat.com/up/uploads/nsaayat5f33f27a4f.gif (http://www.nsaayat.com/up/)

وبعدين طلعيه وانتبهي لاتكويني نفسك بالنار

والخطوه الاخيرره
هاتي صحن صغير
وضعي فيه شوي زيت واضيفي لها فحم
طبعا لازم تكوني قريبه من القدر علشان تدخليه قبل مايخلص الدخان
ولما تدخليه في القدر
اكتميه من جديد لمده 5 او 10 دقائق

http://www.nsaayat.com/up/uploads/nsaayatad63502952.gif (http://www.nsaayat.com/up/)

واخيرا كذا انتهيتي
وبالعافيه
صحيح كلامي كثير وتحسي انه صعب
بس مضمونه انها مو صعبه وماتاخذ جهد وبالنهايه طعم مميز

وصحه على قلبك



...............
انا من مده قريت موضوع عن كميه الماء للرز
مو لطريقتي الي قلتها ولا للمضغوط
يعني لما تبين تسوينه عادي
لازم يكون الرز منقع بماء دافي او حار لمده نص ساعه او اقل بشوي
لما تطبخي الماء واللحم
صفي الرز من الماء النقوع منه ولما تكبينه على الماء واللحم
هاتي ملعقه ووقفيها بالوسط اذا وقفت
كميه الماء مضبوطه
واذا طاحت فالماء كثير حاولي تنقصين منه او راح ينخبص عليك
واذا شفتي الرز طالع من الماء حاولي تزيدي من الماء شوي
وخليه يطبخ على نار مو طويله ولا قصيره لمده 10 دقائق
وبعدين اقصري على الاخر وخليه اللين يختفي كل كميه الماء


وبالعاااااااافيه

شكلكم بتطردوني من كلامي الكثير ورسمي اللي يخرع ههههههههههههه
هههههههههههههههههههههههههه

[صوت المطر]

تسلم يدينك ياعسل على الوصفه المفصله والمرفقه بالصور...الله يعطيك العااااااااااااااااااااافيه ..
بس تبين الصراحه ماأتجرأ أسويها لحالي أخاف أحوسها إذا رحت لأمي بنسويها ...تحياااااااااااااااااااااتي لك حبيبتي..

[ربى]

حتى انا نفسي اتعلم اطبخ بس كسلنه