ابغى حل سريع لمشكلة اختي

[احلى دلع]

السلام عليكم ورحمة الله وبركاته

كيفكم حبايبي انشاءالله بخير

عندي مشكله اليوم الا وهي مشكلة اختي الكبيره

فكرت كثير عشان تلاقي حل ومافي فايده

فتمنيت اساعدها وهو اني اطرح المشكله على اخواتي احلى نسائيات

وتلاقي اختي الحل المضمون عندكم يارب

المشكله هي:

اختي مخطوبه لولد عمتي وهو عايش في الشرقيه عشان شغله

فجاء الثلاثاء وجلس عند اهله واليوم جي عندها فاماتبغى اليوم هذا يكون مثل الايام الماضيه

كان قبل شهر كل مايجي يجلس معها شوي وبعدين ينام وهي بتضايق من هذا الشي بس

عشان راحته تقول خلي ينام

(خاصة اختي مره تحب خطيبها يعني مستعده تسوي اي شي عشانه وهو كمان يحبها)

بس هي مش عارفه هو ليش بيجيله النوم مع انه

ينام قبل مايجي فتقول يمكن مل من كثر الجلوس بس لمن يجلسوا يكون مبسوط معاها

فتبغى تغير هذا اللقاء لأنه المره الجايه بينزل عشان الزواج يعني هذا اخر يوم يجلسوا

مع بعضهم وهم مخطوبين

فحابه تضيف شي عشان لايمل من يوم مايجي عندها حتى يسافر بكره لأنه هو يوم الجمعه

انشاءالله مسافر يروح ويرجع بالسلامه, بس مش عارفه ايش تسوي

فبليز ابغى حل منكم حبايبي اختي مره زعلانه و اليوم هو جي عندنا لاتنسوا

فتمنى قبل مايجي اشوف ردودكم

لاتبخلوا على اختي:17: :17:

[فراشه شفافه]

اهلين ياعسل

الله يتمم لها على خير
ومبروك مقدمــا :30:

في البدايه تغير المكان اللي يجلسوا فيه دايما
وكمان تحاول تفتح مواضيع جديده
وتبادر هي بالكلام يمكن يندمج اكثر

ويمكن هوا وهي من النوع الخجول فما يكون بينهم تجديد

والاهم ما تبين انها زعلانه اليوم

لازم تكون مرتاحه

الله يوفقها ويسعدها :2659:

[احلى دلع]

مشكوره حبيبتي

فراشه شفافه

بس هموا مره اخدين على بعض

وابدا مافي خجل بينهم وماشاءالله من كثر مايتكلمو

بالجوال خلصت كل المواضيع اللي بينهم

فعشان كدا مهي عارفه ايش تسوي

[ريانة]

عزيزتي احلى دلع
غاليتي
تبينا لي انه خاطبها ولم يعقد عليه بعد
اولاً وشلون يقابلها يجلس معها وينام بعد
وهوما مالك عليها ؟؟؟؟؟؟؟؟؟؟؟؟؟؟؟؟؟؟؟؟ هذا لا يجوز في الإسلام
ولا يخلوا بها إلا بعد الملكه عليه شرعاً
هذا اعتقد اكبر مشكله في الموضوع
فأرجوا اختي الكريمه مراعاة الله في هذه الأمور
وارجوا من اهلك التنبه لذالك
حماك الله واسعد اختك في مرضاته

[احلى دلع]

حبيبتي ريانه

هو مملك عليها يعني زوجها شرعيا

يمكن انتي ماقرأتي موضوعي كامل

انا قلت هذه اخر مره ينزل فيها

لأن بكره مسافر وماينزل الا بعد شهرين

عشان نعمل الزواج

يعني هو حلالها وماعملت شي

حرمه الاسلام

هو زوجها على سنة الله ورسوله

بليـــــــــــــــــــــــــــز اقرئي ثم احكمي

ومشكوره على ردك

[ريانة]

عزيزتي احلا دلع

من سياق كلامك في طرح المشكله كنت ترددين خطيب ومخطوبه

والمتعارف عليه عادة ان الخطبة تسبق الملكه او كتب الكتاب كما يسمى

وبما انك اوضحت في ردك ان الخطبة تعني الملكة بتعريفك فهو بلا شك
يصحح المعلومه السابقة


اما عن الحالة التي ذكرت فربما هي حالة وقتية
وكونه يحبها وتحبه فلا اعتقد انها مشكله
فهذا الامر يبدوا طبيعيا
المرأة بطبعها حساسة
لذالك تفسر اشياء وتعتقد اشياء
وتحللها بعقلها على انها مشكلة





اتمنى لها التوفيق وان يررقها الله بالذرية الصالحة

[احلى دلع]

يسلمو يالغاليه

على ردك الرائع

ويعطيكي الف عافيه

والله يوفقهم ويوفق الجميع

[ام جمانه]

هلابك حبيبتي دلع

عزيزتي خاليه تغير في شكلها
وتقدم كيكه باسمه واسمهاا وكوبين عصير حلووه

وتحظر له هديه من ذوقهاا وتغلفاا تغليفه حلووه

وتحطها فوق الطوله

والله يوفقهم

دمتم بود

::::::::::::::::::::::

[زهره فواحه]

حبيبتي احلى دلع

شي طبيعي انه ينام

لانه يحبها وخايف عليها في نفس الوقت متحمس لها

فما قدامه الا انه ينام ويبرد مشاعره <<<<<<<<< اعتقد فهمتيني

واعتقد الوقت القصير الي يجلسه معها كافي جدا

وابدا تجدد بشكلها وتجهز كلام حلو لانه اخر كلام بينهم قبل العرس

وكمان لاتنسى تلبس لبس انيق تحتفظ به للذكرى بعد الزواج وكل ما حبت تتذكر هذي الليله

تطويل بالقعده قبل الزواج ما انصح به للعرايس

والف مبروك مقدما لاختك وعقبالك يا رب

[احلى دلع]

ام جمانه

زهره فواحه

مشكوره حبايبي

على حلولكم الرائعه

جزاكم الله خير

وعقبال كل عازبات المنتدى يارب

[يارين]

احسن شيء

تسوي له كوب شاي تنقع فيه فتلتين شاي وتخليه يشرب عشان يصحصح

يمكن هو متعود على الازعاج والصجه ومايصدق يلقى هدوء الا يناام

الله يوفقهم ويصلح شأنهم ويبارك لهم

[الكتكوته الحلوه]

هههههه الله يكون بعونهاا عليهاا بسطل مويه اذا نام ويصحيح اسبوع وراه من الخرعه <:061:

لا جديآ


انا مع الي الي قالت تسوي له حفله وكيكه وهديه تخلي يحس بأخر لقاء خطوبه

وحماس ومشاعر راح تكون مختلفه وقتهاا وأكيده مراح يبادرهاا انو ينام وهوا يشوف هذااا كله عشانه

والله يسعدهاا يااااااااااااااارب وعقبال العزابيه


كت كت