زوجي واخته ساعدوني

[ام الايهم]

بسم الله الرحمن الرحيم
السلام عليكم ورحمة الله وبركاته


اناوزوجي حاليا جالسين عنداختة في بيتهاغير المنطقة الي ساكنين فيها بسبب علاج زوجي
المهم انة اليوم شديت في الكلام انا واختة بسبب بنتها الي في المتوسط اني ملاحظة عليها من فترة بطلت تساعد امها في البيت من يوم بدات اساعداناامها سارت تعتمد
((انا من النوع الي مايعجبني اجلس يعني احب اساعد غيري))

الي قهرني اني صحيت من النوم ولقيت المطبخ يضرب يقلب نظفتة وخرجت وامها نايمة
وسويت برادشاهي لما خلص شالة اخوها الصغير ووداه المطبخ تخيلوالوقاحة جات الين عندي وقالت لي قومي غسلي البرادطبعاهي شربت منه وامها
انا ماهتميت وطنشت الموضوع بعدها قامت امها وخاصمت اني انا اخلي المواعين على بنتها وبنتهاتعاندني وماتساعدها
وصرخت بوجهي وقالت لي انا تعبت ومادري وين احط نفسي من شغل البيت مع العلم يابنات ويشهدالله علي اني لوسويت شي ماخلية واساعدها يدي بيدها في شغل البيت
وبعدهاقالت لي الي بيزعل ينفلق وضربت بباب الغرفة وخرجت
الطامة الكبرى ان كل هذاسارقدام زوجي المصون ولاكانة صارشي قلي انتي تكبري المواضيع
وعادي وانامن وقتهامولعة احس اني بانفجر

طيب هي من زمان تقوم بشغل بيتها اناموملزومة اسوي شي

ساعدوني يابنات مالي بعد الله غيركم استشيرة

سامحوني طولت عليكم




والله اني بان

[أم حصوصي الحلوة]

هلا وغلا يا عسل
اولا حياك الله بيننا منورة
ثانيا اسمحي لي اكون صريحة معك
انت من سكنتي معها لازم تكوني توقعتي هالنتيجة لانه الناس ما يتحملون احد في بيتهم مهم كانوا اقارب لهم
تخيلي انت مكانها ماراح تتحملين احد في بيتك
والحل يا عسل انك تتكلمين مع زوجك بصراحة عن وضعك في بيت اخته
وتطلبين انه يوفر لك سكن لحالك من حقك تكوني معززة ومكرمة في بيتك
واذا كان زوجك ما يقدر يوفر لك بيت كون رسمية مع اخت زوجك وخلي كلامك معها كلمة ورد غطاها يعني لا تقدمين اي مساعدة الا اذا طلبوا منك وبادب كمان علشان تكوني مرتاحة
والمعذرة اذا كلامي ما افدك
وحياك الله اي وقت

[فراشه شفافه]

وعليكم السلام ورحمة الله وبركاته

اهلين غاليتي ام الايهم

يمكن زوجك قلك كذا عشان لا تكبر المشاكل اكثر واكثر

وهي يمكن كانت معصبه من شيء ولا بنتها الله يهديها اشتكتلها
مع انو انتي الضيفه المفروض هم اللي يقوموا بشغل البيت

وانتي ماقصرتي الله يعطيك العافيه

لكن اصبري ولا تعملي مشاكل حبيبتي
حاولي تتمالكي اعصابك واي شيء تقدري تعمليه سويه في ترتيب البيت ومساعدتهم

هي فتره وحتعدي بإذن الله

عشان لا احد يكون له كلمه عليكي


وصدقيني اخته حتحس بغلطها وراح تعتذر لك وانتي حاولي تهدي الوضع

وانا كمان معا ام حصوصي في انه تقنعي زوجك بسكن لحالك

اتمنى تستفيدي حبيبتي

طمنينا عنك

دمت بخير

[ام الايهم]

الله يعطيكم العافية ياخوات وشاكره لكم التفاعل مع مشكلتي

[عبق الرياحين]

,وعليكم السلام
شوفي حبيبتي اكيد ان معك حق تزعلين خاصة من البنت للجرأة الزايدة لكن بعد انتي في بيتهم يعني تحملي شوي وترى المركب مايحتمل قائدين وهذي الامور تحصل عند كثير والحل لوضعك ان كانت المدة الي رح تجلسينها عند اختة طويلة اكثر من شهرين وعند زوجك القدرة المالية يوفر لك مكان اخر فاختاري الوقت المناسب للمطالبة
اما اذا الفترة بسيطة فتحملي الله يعينك وخليك ضيفة خفيفة وانا متاكدة انك كذلك وخلي في بالك دئما ان البيت بيت زوجة اخيك
ولك تحياتي

[ام الايهم]

والله يابنات ماخذه كل هذا في الاعتبار بس قلة ادب بنتها وانها حملتني فوق طاقتي
لاوجاية تعتذرمني الام زودت الطين بله-وباسلوب استفزازي تعتذر-اخرشي قلتلها اعتبريني موموجودة فب البيت وحقك علي انتي وبنتك احسها قهرتني
بس الغريب انه من يوم تخاصمنا ومطبخها نظيف اول باول والملابس والبيت نظيف والبخور
واول وين جالسة وملتبغ تشتغل تقول تعبت حتى زوجي ملاحظ تقولون ليش

[أم حصوصي الحلوة]

شئ طبيعي
لانها كانت تعتمد عليك
ومتاكدة انك راح تقومي بالواجب
بس الحين بعد الخصام تاكدت انك ما راح تساعديها
فقامت بواجبها
اوا انها من النوع الا ما تحب احد يحرك شئ في بيتها
تحب تقوم بكل شئ بنفسها
مثلي
خخخخخخخخخخ
علشان كذا تنرفزت عليك
يوم كنت تساعديها
الله يسخركم لبعض ويحنن قلوبكم على بعض
وانت خليك على مقولة
يا غريب كن اديب
وارتاحي
ولا توجهي لها اي نقد
او نصيحة
لانه مو كل وحدة تتقبل احد ينصحها
او ينتقدها في بيتها
والله يعينك يا عسل

[ام الايهم]

تسلمي حبيبتي بس بالله اناصح والاغلط
الي خلاني اخذموقف شرس انه قبل فترة واحده من اخواته اتهمتني اني سرقت جوالها
قلت اراجع حساباتي معاهم من جديد واغير اسلوبي معاهم
زي مايقولو((استوطوحيطي))

[أم حصوصي الحلوة]

خلاص يا عسل
وش لك بوجع الراس
خليك دوما قوية قدامهم
ما دام هذي اخلاقهم
ولاتعطيهم اكبر من حجمهم
وكوني رسمية بالمرة
وارتاحي

[ام الايهم]

الله يعطيك العافية اختي ام حصوصي
وشكراًلتفاعلك معي

[روح وريحان]

الله يعينك واعتبري اللي تسوين لوجه الله مايهمك غير زوجك ونفسك وقبل كذا ربك

[براءة الكاميليا]

http://www.nsaayat.com/up/uploads/nsaayat16bb82b0b0.gif (http://www.nsaayat.com/up/)
ولا تزعلي ولا تضايقي نفسك انتي عملتي اللي عليكي
وطالما هم ماحترموا تواجدك ومساعدتك لهم
الافضل تكون العلاقه رسميه جدا زي ماقالوا الاخوات
والباب اللي يجي منو الريح سدو واستريح :0148:
هذا افضل حل حتى تعدي الفتره على خير وترجعي بيتك معززه مكرمه وترجعي لحياتك الطبيعيه
اتمنى لك حياه سعيده
اختك براءه

[قطرة غلا]

الوضع مؤقت يا أختـــي
وحاولي قدر الأمكان بأن تصبرين عشان وضع زوجك الصحي
مايصير
وحاولي تتجنبي أي مشكلة تمر
وتوكلي على الله واستعيني فيه
شده وتعدي أن شاءالله
ودوام الحال من المحال
أن شاءالله ربي يشفي زوجك ويقومه بسلامة وتعشين معه
في بيتكم لا أخت ولامايحزنون
وبتوفيق أن شاءالله

[زهره فواحه]

حبيبتي شي طبيعي تصرفها لانها مو ماخذه راحتها بالبيت

وتصرف زوجك كان كان حكيم عشان ما يكبر المشكله وهو بضيافتها

خليكي طبيعيه ولا تنسي انك ببيتها ويكثر خيرها انها مستقبلتكم

طبعا مااقول انك غلطانه بس اقول الله يعينك لازم تتحملي عشان زوجك الله يشفيه لك

ولا تلومي البنت لانها مراهقه ويمكن انها دلوعه شوي

خليكي رسميه زي ما قالوا الاخوات وارسمي الابتسامه الصادقه دايما

وساعدي على خفيف

واتركي اي توجيه او انتقاد على الاطلاق حتى لو كان شي صدق او صغير

خلي بالك من زوجك وانسي اي شي حولك

لان زوجك ماراح ينسى لك اهتمامك وتحملك

تقبلي تحياتي

[**حـــرم ألظـــأبـــط**]

انا لو مكانك اقعد بغرفتي
وما اطلع الا اذا بغيت تلفزيون او اسوي لي اكل لي ولزوجي وانظف اللي اسويه انا بس
واذا بغيت ابخر اولع جمر على قدي وابخر غرفتي تجنبا للمشاكل
وخلى زوجك يجيب لك المقاضي حقت اكلك انتي وياه
كذا ترتاحين وتريحين
هم يبونك ما تسوين شي في بيتهم سوا كان زين او شين
الله يعينك

[نور القمر]

اختي العزيزة والله بصراحة مااعرف شنو
اكلج حاولي تحاجين زوجك بهدوء وتوضحين وجهة نظرج من
الموضوع وانك ماكدرة تتحملين او حاولي تتكلمين مع اخت
زوجك وتتفاهمون بهدوء انت وياها والله يكون بعونك
اتمنى اكون خدمتج وتقبلي مروري

[يارين]

عزيزتي ماشاء الله البنات ماقصروا

وإضافتي هي فقط نصيحه

لاتنصحين احد في هالايام (الا الصلاة والحجاب والامور الشرعيه)

وزي ماقالوا تبي تأخذ راحتها وتبي تحسسك انك ضيفه لاتتدخلين

بس لو تأخذون لكم سويت ولاستوديواو شقه مفروشه افضل لكم من الجلوس معها ولا مع غيرها
الناس نفوسهم صعبه والاصعب انه محد يرضى بالتحكم فيه
الله يشفي زوجك ويسخركم لبعض ويبعد عنكم المشاكل